“Duam që të zhvillojmë këtë duel në Ludëigsburger Arena  dhe 16 prilli është një termin i përshtatëshëm për të dy boksierët”, ka thënë zëdhënësi i “Klitschko Management Group”, Klaus-Peter Dittrich.

Krasniqi kishte anuluar përballjen pas një problemi shëndetësor që kishte pasur vetëm pak ditë para datës së planifikuar për zhvillimin e këtij dueli me 26 shkurt.

Gjithsesi ekziston një problem për këtë datë, meqë me 15 prill në të njejtën palestër është paraparë që të zhvillohet një ndeshje e basketbollit , dhe për këtë çështje menaxherët e “Klitschko Management Group” janë duke punuar për të gjetur një zgjidhje.

Ndërkohë të gjithë tifozët që kishin blerë biletat për duelin e 26 shkurtit, do të mund t’i shdrytëzojnë ato për datën 16 prill, nëse nuk kanë vendosur që t’i kthejnë ato.