| Orial Kolaj kthehet me fitore | |
|
Orial Kolaj ka bërë rikthimin më të mirë të mundshëm në ringun profesionist pas një pauze prej mëse dy vitesh. Lezhjani 26-vjeçar ka realizuar fitore përballë ish-kampionit italian në kategorinë gjysmë të rëndë, Dario Cichello, i cili ishte konsideruar favorit absolut në këtë përballje.
Fitorja e Kolajt ka ardhur me skualifikim të Cichellos nga ana e gjyqtarit të duelit, i cili me këtë ka shpëtuar atë nga një "knock out" që dukej se do të pësonte.
Me këtë fitore Kolaj ka përmirësuar bilancin e tij si profesionist në 4 fitore dhe 3 humbje, për më tepër fitorja e realizuar të premtën në mbrëmje në Stagno, një lokalitet mes Pisas e Livornos, është mjaft e vlefshme duke qenë se është shënuar ndaj një boksieri me përvojë që ka mbi supet e tij 18 fitore si profesionist.
|