Sefer Seferi ka realizuar fitore në përballjen me Viksor Szalai dhe është stolisur me brezin WBF Intercontinental për peshën “kruizer” në mbrëmjen e zhvilluar vetëm para pak minutash në Vjenë të Austrisë.

“The Real Deal” e ka filluar rrëmbyeshëm duelin duke dërguan në “knock down” kundërshtarin e tij që në rundin e parë.

Në rundin e dytë Seferi ka vazhduar me të njejtin avaz duke rrëzuar në dysheme tre herë radhazi kundërshtarin e tij pas goditjeve të fuqishme në kokë. Pasi kundërshtari ka pësuar “knock down” për herë të tretë, sipas rregullave të boksit profesionist gjyqtari i ndeshjes e ka ndërprerë përballjen duke qenë se dukej qartë se përballja ishte e pabarabartë.

Kjo është fitorja e 11-të e Seferit në ringun profesionist në poaq duele, dhe e 10-ta e realizuar me KO. Ndërkohë që brezi i fituar WBF Intercontinental do t’i ndihmojë atij që të ngjitet për disa shkallë në renditjet botërore të kategorisë “kruizer”.

Ndërkohë në minutat në vijim pritet që vëllau i tij i madh të ngjitet në ring për të zhvilluar ndeshjen më të rëndësishme të mbrëmjes kundër Sandro Siproshvili për titullin WBO European në peshën “kruizer”.