Që nga sekondat e para Visoka ka nisur me vrull ndeshjen, duke kërkuar që nga fillimi që ta zërë kundërshtarin e tij me të djathtën.

Kjo si duket e ka zënë në befasi kundërshtarin e tij, i cili në dy minutat e para është munduar që të mbrohet deri në maksimum me gard të mbyllur, ndërsa nga ana tjetër Visoka nuk ndalonte së godituri.

Goditjet në trup si duket e kanë ç’ekuilibruar Pastorin , i cili e ka parë veten në dysheme kur kishin mbetur edhe më pak se një minutë para përfundimit të rundit të parë. Ndërkohë trajneri i boksierit sllovak nuk ka hezituar dhe menjëherë ka hedhur peshqirin në ring për të sinjalizuar dorëzimin e duelit.

Kjo është fitorja e 5-të e Visokës si profesionist dhe e dyta e zhvilluar në Prishtinë, pas asaj të vitit 2006 kur kishte shënuar fitore ndaj Evgeni Shapavalov.