Drejtuesit e kanalit televiziv HBO, i cili ka të drejtat e transmetimit të përballjeve të Klitschkove në Amerikë, janë të mendimit se tifozët amerikanë të boksit nuk mund të bëjnë lehtë dallimin mes Vlaimirit dhe vëllaut të tij, kampionit të botës në versionin WBC për peshën e rëndë, Vitali Klitschko.

“Për një kohë ishte shumë e vështirë që të kishim prezencën e Vladimirit në Shtetet e Bashkuara dhe po fillonim të thyenim këtë akull”, ka thënë Ross Greenburg, president i HBO Sports. “Për fat të keq, në të njejtën kohë edhe vëllau I tij vendosi që të rikthehej dhe kështu e kanë bërë konfuz publikun në Shtetet e Bashkuara. Njerëzit kanë problem që të bëjnë dallimin mes tyre”.