Përballja e zhvilluar të shtunën në mbrëmje në “PostFinance Arena” në Bern të Zvicrës ka qenë një histori me vetëm një protagonist, kampionin në fuqi i cili mundohej që ta qëllonte kundërshtarin por pa arritur ta bënte këtë në të shumtën e rasteve, ndërsa Johnson dukej qartë se kishte ardhur në Zvicër me një strategji për t’u mbijetuar 12 rundave.

Vitali bënte presion gjatë gjithë kohës dhe realizoi goditjet më të shumta, megjithëse kishte shumë probleme që të realizonte goditje të pastërta në kokën e Johnsonit. Klitschko ishte gjithnjë e më dominues me kalimin e rundave, ndërsa rundat ishin plotësisht të tij. Rezultati i gjyqtarëve ishte 120-108, 120-108, 119-109.

Johnson u bë boksieri i dytë pas gjermanit Timo Hoffmann që arriti t’i bëjë ballë për 12 runda Vitali Klitschkos.