| Vitali Klitschko mbetet kampion | |
|
|
Kampioni i botës për peshat e rëndë në versionin WBC, ukrainasi Vitali Klitschko (38-2, 37 KOs) ka mbrojtur me sukses brezin e tij kundër më parë të pamposhturit Cristobal Arreola (27-1, 24 KOs) me “nokaut teknik” në rundin e dhjetë të përballjes së zhvilluar të shtunën mbrëmje në “Staples Arena” në Los Angeles.
Klitschko ishte i aftë që të realizojë goditje efektive nga distanca kundër një Arreola agresiv, i cili e detyroi ukrainasin që të mundohet mjaft për të arritur fitoren. Dueli filloi të ishte i njëanshëm për ukrainasin në rundat e fundit derisa traineri Henry Ramirez më në fund vendosi që në rundin e dhjetë t’i jipte fund ndëshkimit që po pësonte Arreola duke e mbyllur duelin para kohe. Kjo është fitorja e tretë radhazi për ukrainasin për rikthimit të tij në ring pas një pauze prej katër vitesh.
 |
