| Xhavit Bajrami, përsëri duel në Prishtinë | |
|
| Kickbox |
|
Xhavit “Gentleman” Bajrami do të zhvillojë një tjetër përballje para publikut kosovar. Më 24 prill në Palestrën e Rinisë dhe Sporteve në Prishtinë ai do të mbrojë për të dytën herë në Kosovë brezin e kampionit të botës në versionin ISKA për peshën super të rëndë.
Kundërshtari i tij për këtë përballje nuk është caktuar akonma nga ana e ISKA, por pritet që të jetë një emër i njohur i ringut të kikboksit, taiboksit dhe K-1. Ashtu si edhe në duelin e tij të fundit, të zhvilluar në Prishtinë më 21 nëntor të vitit të kaluar kur Bajrami mbrojti brezin e kampionit të ISKA përballë francezit Freddy Kemayo, edhe kësaj radhe përveç duelit të Xhavit Bajramit spektatorëve do t’u ofrohet një spektakël i madh sportiv pjesëmarrjen e mjaft shqiptarëve të tjerë të ringut profesionist. E tërë mbrëmja do të transmetohet drejtpërdrejt nga televizioni publik i Kosovës, RTK. |
