| Tjetër KO nga Besim Kabashi | |
|
| Kickbox |
|
Besim Kabashi ka mbrojtur edhe një herë tjetër titullin e kampionit të botës në kikboks për peshën e rëndë (versioni WKA), për të katërten herë radhazi, që prej se e kishte bërë të vetin brezin e kampionit në vitin 2008.
Në një duel të zhvilluar në “Zenith-Halle” në Mynhen të Gjermanisë Kabashi ka realizuar një tjetër fitore para kohe, duke nokautuar kundërshtarin e tij, kampionin kinez Li Jixiang. Është kjo fitorja e 23-të me KO për Besim Kabashi, të cilin mediat gjermane me të drejtë e quajnë “Mbreti i nokautit”.
Të gjithë adhuruesit e sporteve luftarake do të kenë rastin që të shohin përballjen e Kabashit me kinezin Li të enjten më 10 dhjetor me fillim prej orës 22:15 në kanalin sportive gjerman “DSF”. |
