Klitschko vazhdonte që të shënonte goditje në kokë, ndërsa Thompson po i ecte mirë me goditjet të trup, sidomos në rundin e katërt. Por që nga rundi i shtatë Klitschko u pa se po e thyente Thompsonin, i cili dukej qartë se po humbiste fuqinë për të reaguar.

Në fund Klitschko arriti që të rrëzojë në dysheme Thompsonin në rundin e parafundit me një goditje të fortë me të majtën.

Kjo ishte mbrojtja e parë i Klitschkos për dy breza. Ai kishte mbajtur brezin e kampionit të IBF që nga prilli i vitit 2006, ndërsa kjo ishte hera e parë që prej fitores ndaj rusit Sultan Ibragimov në shkurt të këtij viti në Nju Jork të Shteteve të Bashkuara.

Pas kësaj fitoreje 32-vjeçari ukrainas ka përmirësuar bilancin e tij në 51 fitore dhe 3 humbje. Për amerikanin Thompson humbja përballë Klitschkos ishte e dyta në karrierë në 33 duele.

Wladimir Klitschko sipas të gjitha gjasave do të zhvillojë duelin e radhës në Rusi përballë Alexander Povetkin, që është sfiduesi numër një i tij në federatën IBF.

Wladimir Klitschko

mbron titujt

Wladimir Klitschko ka mbrojtur titullin e kampionit të botës në kategorinë e rëndë në versionet IBF/WBO dhe IBO duke mposhtur me nokaut sfiduesin amerikan Tony Thompson në rundin e 11-të të duelit të zhvilluar në “Color Line Arena” të Hamburgut.

Pas një fillimi të dobët në rundin e parë, i cili është fituar nga boksieri amerikan, Klitschko ka filluar që të lëshojë kombinime në drejtim të kundërshtarit. Në këtë rund të dy boksierët pësojnë dëmtim në arkadat e tyre si pasojë e një përplasjeje me kokë.