logo1Ndalohet publikimi apo përdorimi i materialeve autentike të BOXALB pa u përmendur burimi (boxalb.com).
Në rast të kundërt do te denoncohet subjekti i cili shkel të drejtën e autorit.
Boksierë nga 12 vende në “Adem Jashari”
Nga Boxalb    E Enjte, 26 Nentor 2009 20:17   

balla-v

Kanë përfunduar të gjitha përgatitjet për zhvilimin e edicionit të 11-të të turneut ndërkombëtar të boksit amator “Adem Jashari”.

Në turneun me prestigjioz në Kosovë këtë herë do të marrin pjesë boksierë nga 12 vende të ndryshme evropiane.

“Sivjet ky turne do të jetë shumë më cilësor, ngase do të paraqiten boksierë me cilësi të larta. Pjesëmarrjen e kanë konfirmuar 12 shtete: Zvicra, Çekia, Italia, Polonia, Mali i Zi, Maqedonia, Kroacia, Bullgaria, Bosnja, Shqipëria, Gjermania, Hungaria”, ka thënë Mehmet Bogujevci, sekretar i pëgjithshëm i Federatës së Boksit të Kosovës.

Duelet gjysmëfinale të turneut do të zhvillohen të premtën më 27 nëntor njëkohësisht në Pallatin e Rinisë dhe Sporteve në Prishtinë me fillim prej orës 15:00 dhe në palestrën “Bill Klinton” në Ferizaj prej orës 18:00.

Ndërkohë duelet finale do të zhvillohen të shtunën më 28 nëntor në  Pallatin e Rinisë dhe Sporteve në Prishtinë me fillim prej orës 20:00.