Ky turne konsiderohet një nga më prestigjiozët në kalendarin e turneve të Federatës Evropiane të Boksit Amator (EABA) dhe në edicionin e sivjemë, që është i 38-ti me radhë, do të marrin pjesë boksierë nga 18 vende të botës, ndër të cilat edhe superfuqitë e boksit botëror si: Kuba, Rusia, Skocia, Irlanda, Italia, Gjermania, etj.

Liridon Zeqiri (kategoria deri 57 kg), Mahmut Gorda (kategoria deri 60 kg) si dhe Agron Nushi (kategoria deri 75 kg) do të jenë ata që do të mbrojnë ngjyrat e shtetit të Kosovës në këtë turne. Sëbashku me ta pjesë e delegacionit do të jenë edhe kryetari i Federatës së Boksit të Kosovës, Ramadan Selimi, selektori i përfaqësueses së Kosovës, Mehmet Haxhani, si dhe referi Latif Demolli i cili do të ndajë drejtësinë në këtë turne.