logo1Ndalohet publikimi apo përdorimi i materialeve autentike të BOXALB pa u përmendur burimi (boxalb.com).
Në rast të kundërt do te denoncohet subjekti i cili shkel të drejtën e autorit.
Eliminohet edhe Qamil Balla
Nga Boxalb    E Premte, 04 Shtator 2009 20:31   

balla-v

Tashmë mbeten vetëm dy shqiptarë në Kampionatin Botëror të Boksit Amator që po zhvillohet në Milano të Italisë pasi të premtën në mbrëmje është eliminuar edhe shqiptaro-australiani Qamil Balla.

 

20-vjeçari me prejardhje nga Kosova është mposhtur nga lituani Egidijus Kavaliauskas me rezultatin e thellë 20-5 në ndeshjen e vlefshme për xhiron e dytë të kategorisë “velter të lehtë” (64 kg).

Pas eliminimit të Ballës në botëror nga shqiptarët kanë mbetur Jetmir Kuqi dhe Naim Tërbunja. I pari përfaqëson Shqipërinë në këtë botëror ndërsa i dyti Suedinë.

Naim Tërbunja do të zhvillojë përballjen e dytë të shtunën më 5 shtator kur do të duelojë me armenin Andranik Hakobyan.

Ndërkohë një ditë më vonë, pra të dielën Jetmir Kuqi do të zhvillojë duelin e dytë në këtë botëror kundër serbit Zoran Mitroviq.